Schachä-Bäueler in Action

Hüt isch für s «Eis» u s «Zwöi» vo de Schachä-Bäueler di zwöiti vo drei Heimrundine ir HKM (Hallenkorbball-Meisterschaft) uf em Programm gstange. D Usgangslage isch daderbi hochspannend gsi u het viu Zündstoff vürsproche. Während s «Eis» wieder d Hierarchie het wöue härsteue, het sech s «Zwöi» ir Ranglischte vor em «Eis» wöue behoupte.

Daderzue hei beid Mann- und Frou-, respektive Mixedschafte zwo Glägeheite becho. S «Zwöi» isch mit dr maximau Zahl a SpielerInne aträte u het trotzdäm im erschte Spiu gäge Nachber Langnou mit 4:6 dr Chürzer zoge. Dr Grund drfür isch vor auem im ungnüegende Passspiu z sueche gsi. O s «Eis» het si Püetz leider nid besser gmacht u imne änge Spiu gäge Koppige mit 2:3 vürlore. Drmit het nach em erschte Spiu immer no s «Zwöi» d Nase vore gha.

Im zwöite Spiu het sich du när s «Zwöi» mit Koppige gmässe. Nachere völlig vürpennte erschte Haubzyt hets trotz ere akzeptable zwöite Heufti e 3:5 Niederlag abgsetzt. S «Eis» het du när ihri Chance gnützt u mit eme erchnorzte Sieg gäge Langnou s «Zwöi» zmingscht vorübergehend ir Ranglischte ume überhout.

I däm Duell isch s letzte Wort sicher no nid gsproche, het s «Eis» doch näbscht zwe Pünkt o es Spiu meh. Auerdings isch z hoffe, dass sich s «Eis» doch langsam e chli vo ihrne «bescheidene» Leischtige cha vürabschiede u sech ir Tabäue nach vore orientiert. Währenddesse darf die jungi Mannschaft vom «Zwöi» nach wie vor jede Punktgwinn usglasse fiire!

Skorer vom «Zwöi» am hütige Abe:

Skorerliste vom «Zwöi» Saison 16/17